पोखरा १५ असोज २०८२ ।
जेन जी आन्दोलनका क्रममा गत भदौ २४ गते मकवानपुरको भीमफेदी कारागारबाट भागेका एक बन्दी वीरगन्जमा समातिएका छन्।
जिल्ला प्रहरी कार्यालय पर्साबाट खटिएको प्रहरी टोलीले पर्साको वीरगन्ज महानगरपालिका वडा नम्बर १६ बसपार्कका २५ वर्षीय अमजत मियाँलाई आफ्नै घरमा लुकेर बसिरहेको अवस्थामा बुधबार समातेको हो।
जिल्ला प्रहरी कार्यालय पर्साका प्रहरी नायब उपरीक्षक (डिएसपी)हरिबहादुर बस्नेतले दिएको जानकारी अनुसार , मियाँ लागू औषध सम्बन्धि कसुरमा पर्सा जिल्ला अदालतबाट पुर्पक्षका लागि कारागारमा पठाइएका कैदी हुन्।
पक्राउ गरिएका मियाँलाई थप कारबाहीका लागि पुनः भीमफेदी कारागारमै पठाइने प्रहरी नायब उपरीक्षक बस्नेतले बताए ।
