बिजया दशमीकै दिन बैतडीको सिगास गाउँपालिका वडा न ६ काडामा राजेन्द्र बिकको परिवार .माथि कुटपिट भएको छ ।
राती मदिरा सेवन गरी मानबहादुर रोकाया , पदम रोकाया , खिमा रोकाया लगायतले राजेन्द्र बिकको परिवारलाई घरमा सुतिरहेका बेला बोलाएर बाहिर निकाली कुटपिट गरेको पीडित परिवारले बताएको छ ।
उनीहरुले डा सचिब नयन सिङ रोकायद्वारा संचालित मदिरा पसलमा रक्सी झाएर मातेपछि “हाम्रो घरमा आएर त दलित-डुम , तिमीहरुले केही गर्न सक्दैनौं , हाम्रो चल्छ “भन्दै कुटपिट गरेका थिए ।
कुटपिटबाट ५८ बर्षिया कालिभान बिक र हिरा बिकको आँखा , टाउको र अनुहारमा गहिरो चोट लागेको छ भने राजेन्द्र बिक लगायत परिवार माहामती बिक, अनिश बिक ,ईश्वर बिक घाइते भएका छन् ।
