नवलपुर् , १७ असोज २०८३
नवलपुरको दाउन्नेमा आज एकाबिहानै यात्रुवाहक बस दुर्घटना हुँदा ६ जनाको मृत्यु भएको छ भने १० जना घाइते भएका छन्।
नेपालगञ्जबाट काठमाडौं जाँदै गरेको प्रदेश–३–०१–००६ ख १५५३ नम्बरको बस बिनयी त्रिवेणी गाउँपालिका –०२ एस मोडस्थित पूर्व–पश्चिम राजमार्गमा आज बिहान पौने ४ बजे सडकबाट नालामा पल्टिएर दुर्घटनाग्रस्त हुँदा ६ जनाको मृत्यु भएको हो भने १० जना घाइते भएका छन्।
उक्त दुर्घटनामा परी मृत्यु हुनेमा जाजरकोट भेरीगंगा नगरपालिका ३ बस्ने बर्ष ५० को निर्जुङ खत्री, बाँकेको कोहलपुर नगरपालिका वडा नं ३ बस्ने बर्ष ३२ को दिपेन्द्र के.सी, बाजुरा स्वामीकार्तिक गाउँपालिकाका ६५ वर्षीय नरेन्द्रराज, बाँकेको कोहलपुर नगरपालिका १० बस्ने वर्ष ५५ को एकेन्द्रराज रेग्मी, बाँकेकै नेपालगंज उपमहानगरपालिका वडा ७ बस्ने वर्ष २२ को कृष कनौजिया र हाल सनाखत हुन नसकेका एक जना पुरुष रहेको प्रहरीले जानकारी दिएको छ।
,
घाइते हुनेमा
१. जिल्ला गोरखा, गो.न.पा.-०९ बस्ने वर्ष ३० को हरिशरण थापा,
२. जिल्ला अछाम मंगलसेन न.पा. ६ बस्ने वर्ष २८ को तेजेन्द्र प्रसाद भण्डारी,
३. जिल्ला बर्दिया ठाकुरबाबा न.पा. १ बस्ने वर्ष २० की आकृती,
४. जिल्ला बाजुरा स्वामी कात्तिक गा.पा. ५ बस्ने वर्ष ३२ को पवन बुढा,
५. जिल्ला बर्दिया राजापुर न.पा. ९ बस्ने वर्ष २८ को सञ्जय थारु,
६. जिल्ला बाजुरा स्वामी कात्तिक गा.पा.१ बस्ने वर्ष २५ को प्रेम बम,
७. जिल्ला ललितपुर कुञ्जय सोमपाक गा.पा. वडा नं ५ बस्ने वर्ष २९ को अनोज खत्री,
८. जिल्ला बर्दिया बाँसगढी न.पा. ७ बस्ष ३६ को लाल बहादुर कार्की,
९. जिल्ला बाँके नेपालगञ्ज उ.म.न.पा. १६ बस्ने वर्ष ४८ को अस्लाम भगवान,
१०. जिल्ला सल्यान वनगढ कुपिण्डे न.पा. १ बस्ने वर्ष २१ को अनिल बुढाथोकी रहेका छन् ।
उक्त घटनाको खबर प्राप्त हुनासाथ प्रहरी निरीक्षक थमन सिंह रानाको कमाण्डमा खटिएको प्रहरी टोलीले बसमा सवार घाइतेहरूलाई उद्दार गरी उपचारका लागि मध्यविन्दु प्रादेशिक अस्पताल, डण्डामा उपचार भइरहेको छ ।
