काठमाडौं, २३ असोज २०८२। ।
काठमाडौंको माइतीघरबाट डा. निकोलस भुशाल्साहित थप दुई जना गिरफ्तार भएका छन।
माइतीघरमा प्रदर्शन गर्न खोजेको आरोपमा डा. निकोलस भुशाल्साहित थप दुई जना गिरफ्तार भएका हुन् ।
पक्राउ पर्नेमा डा. निकोलस भुसाल र एसपी साह छन् । यसअघि प्रहरीले सञ्जि दाहाललाई पक्राउ गरेको थियो । यो सँगै पक्राउ गर्नेको संख्या तीन पुगेको छ ।
जिल्ला प्रशासन कार्यालय काठमाडौंले कसैलाई पनि प्रदर्शनका लागि अनुमति नदिएको अवस्थामा उनीहरु प्रदर्शन गर्न भन्दै माइतीघर पुगेपछि पक्राउ गरिएको जिल्ला प्रहरी परिसर काठमाडौंका एसपी तथा प्रवक्ता पवनकुमार भट्टराईले बताए ।
जेन–जीका विभिन्न समूहहरुले माइतीघरमा प्रदर्शन गर्ने भन्दै पुगेका थिए । अहिले प्रहरीले माइतीघर नयाँ बानेश्वर क्षेत्रमा सुरक्षा व्यवस्था कडा पारेको छ । बाक्लो मात्रामा नेपाल प्रहरी र सशस्त्र प्रहरी परिचालन भएका छन् ।
