कोरोना भाइरसको सङ्क्रमण फैलिने डरले देशका विभिन्न जिल्लाहरुमा देउसीभैलो खेल्न नपाइने आदेश भइरहेका छन् । नेपालमा एक दर्जन वढी जिल्लामा यस्तो आदेश भएको छ । केही जिल्लामा आम नागरिक नै सचेतभई देउसीभैलो नखेल्ने निर्णण गरिसकेका छन् ।
त्यस्तै जिल्ला प्रशासन कार्यालय कास्कीमा आइतबार बसेको जिल्ला सङ्कट व्यावस्थापन केन्द्रको बैठकको निर्णयपश्चात त्यहाँपनि देउसीभैलो खेल्न नपाइने भएको छ । प्रमुख जिल्ला अधिकारी ज्ञान प्रसाद ढकालले जारी गरेको आदेशानुसार यो वर्षको तिहारमा देउसीभैलो खेल्न नपाइने भएको हो ।
