झापा, १ कात्तिक २०८३।
झापामा गएराती ७० वर्षीय वृद्धको हत्या भएको छ।
झापाको अर्जुनधारा नगरपालिका–७ दाहाल चोकस्थित सडकमा शनिबार राती करिब ७ बजे स्थानीय ७० वर्षीय दुर्गाबहादुर बस्नेतको बन्चरो प्रहार गरी हत्या भएको हो ।
घाँटीमा चोट लागेका बस्नेतको घटनास्थलमै मृत्यु भएको प्रहरीले जानाकारी दिएको छ ।
घटनास्थलमा बन्चरोसमेत फेला परेको छ। घटनाको आरोपमा प्रहरीले रविन लिम्बूलाई पक्राउ गरेको छ। प्रहरीले घटनाबारे थप अनुसन्धान गरिरहेको छ।
