काठमाडौं, १९ भदौ २०८३ ।
संखुवासभा । संखुवासभाको मकालु गाउँपालिका–१ चिर्खाङमा गएराति गोली हानेर एक शिक्षकको हत्या भएको छ ।
मकालु–१ चिर्खाङस्थित कालिका आधारभूत विद्यालयमा कार्यरत ३६ वर्षीय नरकुबिर खम्बु राईको गोली हानेर हत्या भएको हो।
जिल्ला प्रहरी कार्यालय संखुवासभाका प्रहरी प्रमुख प्रहरी नायव उपरीक्षक कुमारप्रसाद मैनालीले दिएको जानकारी अनुसार , गएराति करिब ७ बजे राईमाथि गोली प्रहार भएको थियो । गोली लागेर गम्भीर घाइते भएका राईको घटनास्थलमै मृत्यु भएको हो वा उपचारका क्रममा मृत्यु भएको हो भन्नेबारे प्रहरीले थप विवरण सार्वजनिक गरेको छैन ।
घटनापछि प्रहरीले घटनास्थलमा पुगेर अनुसन्धान अघि बढाएको छ । गोली प्रहार गर्ने व्यक्ति तथा घटनाको कारणबारे अनुसन्धान भइरहेको प्रहरी नायव उपरीक्षक मैनालीले बताए ।
घटनामा प्रयोग भएको हतियार, गोली प्रहारमा संलग्न व्यक्तिको पहिचान तथा घटनाको पृष्ठभूमिबारे प्रहरीले अनुसन्धान गरिरहेको जनाएको छ ।
घटनाको विस्तृत विवरण अनुसन्धानपछि मात्रै खुल्ने प्रहरीले जनाएको छ । एआइले तयार पारेको चित्र
