पोखरा, ३ फागुन २०८१।
दुर्व्यसनबाट मुक्ति पाउने आशामा १५ दिन अघि मात्र बाराको भवानीपुरस्थित पुनर्स्थापना केन्द्रमा पुगेका एक दुर्व्यसनीको कुटेर हत्या गरिएको छ।
१५ दिन अघि मात्र बाराको कलैया उपमहानगरपालिका–१ भवानीपुरस्थित नवजन्म पुनर्स्थापना केन्द्रमा भर्ना भएका कलैया उपमहानगरपालिका–९ का धिरेन्द्र भनिने प्रदिप प्रसाद मण्डलको शुक्रबार कुटेर हत्या गरिएको हो।
सुधार केन्द्रमा भएका अन्य व्यक्तिसँग वादविवाद गरेपछि तामाङलाई कुटपिट हुदा मृत्यु भएको पाइएको प्रहरीले जानकारी दिएको छ।
उक्त घटनापछि प्रहरीले सुधारकेन्द्रका सञ्चालकसहित ७ जनालाई प्रहरीले तत्काल पक्राउ गरेको छ। पक्राउ पर्नेमा सर्फराज मन्सुरी, निरज सराफ, मो आँसु मिया शेख, अरुण सरार्फ, पर्मेश्वर साह, तमन्ना अलि र सागर गुप्ता रहेका छन्।
उनीहरूलाई हिरासतमा राखेर अनुसन्धान थालिएको प्रहरीले बताएको छ ।
