कोरोना भाइरस संक्रमण फैलिन नदिन लगाइएको लक डाउन पूर्ण रुपमा हटाएर व्यापार व्यवसाय सञ्चालन गर्ने पवातावरण सृजना गरिदिन माग गर्दै आज पोखरामा प्रदर्शन गरिएको छ । पोखराका उद्योगी व्यवसायीहरुको एक समहूले सरकारविरुद्ध प्रदर्शन गरेका हुन् ।
सरकारविरुद्ध प्रदर्शनमा उत्रिने व्यापार-व्यवसायीहरुमा पोखरा उद्योग वाणिज्य संघ, पृथ्वी राजमार्ग बस सञ्चालन प्रा।लि., नाई संघ कास्की, सौन्दर्यकर्मी महासंघ, पेट्रोलियम डिलर्स एशोसिएसन, रेष्टुरेन्ट एण्ड बार एशोसिएसन पोखरा लगायत रहेका छन् ।
मौन प्रदर्शन गरेका प्रदर्शनकारीहरुले लक डाउन पूर्ण रुपमा हटाउन, पीडित व्यवसायीहरुलाई राहतका कार्यक्रम ल्याउन र सहज रुपमा व्यापार व्यवसाय सञ्चालन गर्ने वातावरण बनाइदिन माग गरिएका प्लेकार्डहरु बोकेका थिए ।
तस्विर : आश तमु
