सवारी ज्यान मुद्दाका अभियुक्तलाई जोगाउन १० लाख घुस लिएको आरोपमा नवलपुर जिल्लाको इलाका प्रहरी कार्यालय गैँडाकोटका प्रमुख प्रहरी निरीक्षक लोकबहादुर जिसी पक्राउ परेका छन् ।
व्यवसायी बोदराज पाण्डेले चलाएको गाडीले गत बैशाख ११ गते गैंडाकोटमा ठक्कर दिंदा मोटरसाइकलमा सवार व्यक्तिको मृत्यु भएको थियो । तर व्यवसायी बोदराज पाण्डेलाई जेल जानबाट बचाउन प्रनि जिसीले दश लाख रुपियाँ लिएर नक्कली चालक किसनु महतोलाई सवारी चालकका रुपमा खडा गरेका थिए । यससम्बन्धि उजुरी परेपछि अख्आतियार दुरुपयोग अनुसन्धान आयोगले छानबिन गर्दा नक्कली चालक खडा गरेको पुष्टि भएपछी प्रहरी निरीक्षक लोकबहादुर जिसी मंगलबार पक्राउ गरेको हो ।
