पोखरा, ८ साउन २०८३ ।
सत्तारुढ राष्ट्रिय स्वतन्त्र पार्टीका सभापति रबि लामिछाने उत्तरी छिमेकी चीनको भ्रमणमा जाने तयारीमा जुटेका छन् ।
यसअघि भारतको भ्रमण गरेका सभापति लामिछाने यसपटक उत्तरी छिमेकी चीन जान लागेका हुन् ।
Watch On
Facebook Tiktok Youtube Instagram Twitter
सभापति लामिछाने अगस्ट तेस्रो साता बेइजिङ जानेगरी तयारी भइरहेको सचिवालयले जनाएको छ । यद्यपि मिति ठ्याक्कै तय भइसकेको छैन ।
भ्रमणका क्रममा चिनियाँ राष्ट्रपति, प्रधानमन्त्री, विदेशमन्त्री, चिनियाँ कम्युनिस्ट पार्टीका अन्तर्राष्ट्रिय विभाग प्रमुख लगायतसँग भेट हुनेगरी कार्यतालिका बनिरहेको छ । समाचार सटिक र स्पस्ट रुपमा थप सुचानासहित ओउनर्लेखन गरिदिनुस
भ्रमणका क्रममा द्विपक्षीय हित, आपसी सम्बन्ध र विकास परियोजनामा साझेदारीका विषयमा छलफल हुने बताइएको छ ।
यसअघि नेपालका तर्फबाट परराष्ट्र मन्त्री शिशिर खनालले चीनको उपलब्धीमूलक भ्रमण गरिसकेका छन् ।
फागुन २१ को चुनावबाट दुईतिहाइ जनमत पाएको रास्वपा सभापति लामिछानेलाई त्यतिबेलै चीनले भ्रमणको निम्तो दिएको थियो । तर कार्यव्यस्तताले जान सकेका थिएनन् । बीचमा सरकार गठन, पार्टीको महाधिवेशनलगायत गतिविधिमा लामिछाने व्यस्त थिए ।
यसअघि लामिछाने भारतको सत्तारुढ भारतीय जनता पार्टी (भाजपा) का अध्यक्ष नितिन नवीनको निमन्त्रणामा जेठ १८ गते भारत भ्रमणमा गएका थिए । पाँच दिने भ्रमणका क्रममा उनले भारतीय प्रधानमन्त्री नरेन्द्र मोदी, विदेशमन्त्री एस जयशंकर, गृहमन्त्री अमित शाह, भाजपा अध्यक्ष नितिन नवीन लगायतसँग भेटवार्ता गरेका थिए ।
