पोखरा १८ असार २०८२।
लमजुङमा आज बिहान ट्याक्टर दुर्घटना हुँदा चालकको मृत्यु भएको छ। दुईपिप्लेबाट भोर्लेटारतर्फ खेतमा जाने क्रममा ग.१ त ७६३७ नम्बरको ट्रली नभएको ट्याक्टर जिल्लाको मध्यनेपाल-४ तिलार चोकमा बुधबार बिहान अनियन्त्रित भई सडकबाट करिब १० मिटर तल खसेर दुर्घटना हुँदा ट्याक्टर चालकको मृत्यु भएको हो।
उक्त दुर्घटनामा परेर बाग्लुङको काठेखोला -७ घर भई हाल कास्कीको रूपा गौपालिका ३ पोल्याङ बस्ने १९ वर्षीय आयुसमान गुरूङको मृत्यु भएको प्रहरीले जानकारी दिएको छ।
दुर्घटनामा गम्भीर घाइते भएका उनको दमौली अस्पताल तनहुँमा उपचारको क्रममा मृत्यु भएको प्राप्त समाचारमा जनाइएको छ।
