पोखरा, १३ फागुन २०८१।
ओखलढुङ्गाको पोकलीतर्फ जादै गरेको बस काभ्रेमा दुर्घटना : १७ घाइते, चालक र सहचालक गम्भीर ।
काठमाडौंबाट धुलिखेल रामेछाप हुँदै ओखलढुंगा पोकलीको लागि छुटेको बस काभ्रेमा दुर्घटना भएको छ।
धोबी, सिरिसे, ढाँडे हुँदै ओखलढुंगाको पोकली हिँडेको अरनिको यातायातको प्रदेश ३, ००१-००५ ख ९९४२ नम्बरको बस धुलिखेल न.पा. १० सारादा बतासेस्थित वि.पि. राजमार्गमा दुर्घटनाग्रस्त भएको जिल्ला प्रहरी कार्यालय काभ्रेले जनाएको छ।
आफैँ अनियन्त्रित भई सडकको नालीमा पल्टिएर बस दुर्घटना हुँदा बसमा सवार चालक र सह-चालकसहित १७ जना घाइते भएका हुन्। उनीहरुको धुलिखेल अस्पतालमा उपचार भइरहेको छ।
बसमा २४ जना यात्रु सवार रहेका थिए। घाइतेहरूमध्ये चालक र सह-चालक गम्भीर घाइते भएका छन्।
ओखलढुंगा जाँदै गरेको बस काभ्रेमा दुर्घटना
