पोखराको कुँडहरमा सोमबार बिहान मृतावस्थामा भेटिएका पुरुष फूलबारीका दीपक बास्तोला रहेको खुलेको छ ।
पोखरा ११ फूलबारी भाष्कर स्कुल नजिकै घर भएका करिब ४५ वर्षका दीपककोे शव कुँडहर फाँटस्थित नहरको दुई कुलाको मुहानमा भेटिएको थियो । शुरुमा सनाखत नभएको शव पछि खोज्दै जाँदा दीपकको भएको पुष्टी भएको थियो ।
आर्थिक व्यवहार बिग्रेको, बेचेको जग्गाको रकम नपाएको लगायतका विवरणसहित उनले चिठी लेखेर छाडेको भेटिएको छ । उनी कतिबेला घरबाट निस्के र कहाँबाट नहरमा हामफाले भन्ने भने थाहा भएका छैन । यसबारेमा प्रहरीले अनुसन्धान थालिसकेको छ । जग्गा कारोबारमा संलग्न दीपकले निजी विद्यालयमा पनि पढाउँथे ।
