सहकारीको करोडौं रकम ठगी गरेर भागेका काठमाण्डौको एक सहकारीका दुईजना पदाधिकारी प्रहरीले पक्राउ गरेको छ।
प्रहरी प्रधान कार्यालय, केन्द्रीय अनुसन्धाान ब्यूरोको टोलीले काठमाडौं-३१ स्थित भरोसा नेपाल बहुउद्देश्ययी सहकारी संस्थाका अध्यक्ष काठमाडौं महानगरपालिका-३० का सुरज बस्नेत र उपाध्यक्ष काठमाडौं महानगरपालिका-१६ का शिव पाण्डेलाई सहकारीको करोडौं रकम ठगी गरेको आरोपमा पक्राउ गरेको हो।
सहकारीका १५ जना निक्षेपकर्ताहरूको छ करोड २५ लाख रुपियाँ भन्दा बढी निक्षेप रकम हिनामिना गरी फरार भएको आरोपमा उनीहरूलाई पक्राउ गरिएको ब्यूरोका प्रवक्ता तथा प्रहरी उपरीक्षक श्यामकुमार महतोले जानकारी दिए ।
उनीहरु निक्षेपकर्ताहरूले निक्षेप रकम माग्दा सहकारीमा ताला लगाई भागेका बताइएको छ। यस सम्बन्धमा आवश्यक अनुसन्धान भइरहेको प्रहरीले जनाएको छ ।
