पश्चिम नवलपरासीको सुस्ता गाउँपालिका वडा नं ४ नर्सही (उचम टाडी ) गाउँ मा रहेको हनुमान मन्दिरका पुजारी ७२ बर्षीय पुजारी महंगु केवटको हत्या आरोपमा प्रहरीले एक जना भारतीयलाई पक्राउ गरेको छ।
सुस्ता गाउँपालिका ४ पश्चिम टाँडी निवासी ७२ बर्षीय पुजारी महंगु केवटको गएको कात्तिक ९ गते हत्या भएको थियो ।
पुजारी केबटको हत्या गरेको आरोपमा प्रहरीले भारतको महाराजगञ्जको निचलौल निवासी २१ बर्षीय धनञ्जय मौर्यलार्ई पक्राउ गरेको हो। प्रहरीले उनलाई नवलपरासीको प्रतापपुर गाउँपालिका ६ कठहवाबाट पक्राउ परेको हो ।
पक्राउ परेका मौर्यले पुजारीको हत्या गरेको स्वीकार गरेको जिल्ला प्रहरी कार्यालय पश्चिम नवलपरासीका प्रहरी निरीक्षक राजीव श्रेष्ठले बताए। प्रहरीले घटनाको थप अनुसन्धान भईरहेको जनाएको छ।
