पोखरा महानगरपालिका वडा नम्बर ३३ स्थित प्रहरी चौकी भरतपोखरीका प्रहरीले दुई युवालाई छ किलो एकसय ग्राम गाँजासहित पक्राउ गरेको छ।
पक्राउ परेका युवाहरुमा तनहुँको शुक्लागण्डी १२ घर भई हाल जिल्ला कास्की पोखरा म.न.पा.१७ बिरौटा बस्ने २३ वर्षका संजोक बि.क. र पोखरा म.न.पा.१७ बिरौटा बस्ने वर्ष २० कि शिलास बि.क. रहेका छन्।
प्रहरी चौकी भरतपोखरीबाट खटिएको बिशेष टोलीले गएराती सवारी साधन चेकजाँच गर्ने क्रममा ग ९ प ६०२८ नं.को पल्सर मोटरसाइकल चेकजाँच गर्ने क्रमामा उनीहरुले बोकेको झोलामा लागूऔषध गाँजा ६ के.जी. १०० ग्राम र लागूऔषध तौल गर्ने मेसिनसहित उनीहरुलाई पक्राउ गरेको बताइएको छ।
प्रहरीले उनीहरुविरुद्ध लागू औषध नियन्त्रण ऐन,२०३३ विपरितको कसूर अन्तर्गत म्याद थप गरी आबश्यक अनुसन्धान भईहेको जिल्ला प्रहरी कार्यालय कास्कीले जनाएको छ।
