पोखरा, १७ जेठ २०८२।
स्याङ्जामा मोबाइल चोरेर भागेका दुई जना स्याङ्जाली युवा पोखराबाट पक्राउ परेका छन्।
स्याङ्जाको पुतलीबजार नगरपालिका ३ मजुवास्थित चुनी कुमारी मल्लको डेरा कोठाबाट मोबाइल चोरी गरेर भागेका दुई जना स्याङ्जाली युवा शुक्रबार पोखराबाट पक्राउ परेका हुन्।
पक्राउ पर्नेहरुमा आधिँखोला गाउँपालिका ५ चिलाउने भाटी स्थायी घर भएका २१ वर्षीय पवन परियार र अर्जुनचौपारी गाउँपालिका ४ स्थायी घर भएका शाहिल गुरुङ रहेका प्रहरीले जानकारी दिएको छ। उनीहरु हाल पोखरा महानगरपालिका ५ मालेपाटन बस्ने गरेको प्रहरीले बताएको छ।
उनीहरुबिरुद्ध स्याङ्जा जिल्ला अदालतबाट चोरी सम्बन्धी कसुरमा नौदिनको म्याद थप भै अनुसन्धान कार्य भइरहेको जिल्ला प्रहरी कार्यालय स्याङ्जाले जनाएको छ ।
