पोखरा, ३० चैत २०८१।
सिद्धार्थ राजमार्गमा पहिरो जाँदा एकजना घाइते भएका छन्। पाल्पाको तिनाउ गाउँपालिका- ३, दोभान सिद्धबाबा क्षेत्रमा शनिबार बिहान ४ बजेतिर खसेको पहिरोमा परी एकजना घाइते भएका हुन्।
चारजना सवार लुम्बिनी प्रदेश ज ०२७६ नम्बरको कारमा पहिरो खस्दा ५० वर्षीय गणेश गैरे घाइते भएका हुन्। लुम्बिनी प्रादेशिक अस्पताल बुटवलमा उनको उपचार भइरहेको प्रहरीले जनाएको छ। ठूलो ढुंगाले लागेको कार पूर्णरूपमा क्षति पुगेको छ।
