थुइक्क ! मान्छे खाने अमान्छे तिमी !
मान्छे तर्साउने वनमान्छे तिमी !!
हे ! ठूलो जातको हुँ भन्ने दम्भ र अहङ्कारको डङ्गुरमाथि चढेर
नवराज विकहरुको जिन्दगीमा तिर हानी भोग खाने तिमी !
एकपटक अाफ्नो छातिमा हात राखेर अाफैलाई सोध त !
के तिमीहरुलाई एक्काइशाैँ शताव्दीमा अनुहार देखाउन लायक मानव हुँ भन्ने लाग्छ ?
म त तिम्रो घिनलाग्दो डङ्गुर भन्दा
धेरै गुणा अग्लो स्वाभिमान र मानवताको सगरमाथावाट दावाका साथ कुर्लेर भन्न सक्छु,
अहँ ! तिमी मानव होइनाै ! दानव हाै ।
मान्छे खाने अमान्छे हाै तिमी !
मान्छे तर्साउने वनमान्छे हाै तिमी !
न्यायप्रेमी उत्पीडित दलित समुदायको थुकै थुकको भेरीमा डुवेर मर्नलायक पनि छैनाै तिमी !
थुइक्क ! मान्छे खाने अमान्छे तिमी !……..
मान्छे तर्साउने वनमान्छे तिमी !!
(लेखक गोविन्द नेपाली सत्तारुढ नेकपाका केन्द्रिय सदस्य हुन् भने हाल गण्डकी प्रदेशका मुख्यमन्त्रीका प्रमुख सल्लाहकारका रुपमा कार्यरत छन्। -सम्पादक)
