पोखरा,०७/ नेपाल पत्रकार महासंघ कास्कीका साधारण सदस्य तथा हिमाली आवाज साप्ताहिक पत्रिकाका सहसम्पादक तिलकप्रसाद पुन पुर्जालाई पितृशोक परेको छ ।
पुनका ८५ वर्षिय पिता मानवहादुर पुन पुर्जाको वुधवार मणिपाल शिक्षण अस्पतालमा उपचारको क्रममा निधन भएको हो । स्व.पुन केही वर्षदेखी दम, सुगर तथा उच्च प्रेसरको समस्यावाट पीडित थिए ।
उनका ४ छोरा र २ छोरी छन् । पर्वतको ओखरेनीमा जन्मेका पुन हाल पोखरा,११ फुलवारीमा वस्दै आएका थिए । उनी लामो समय वेलायती सेनामा कार्यरत भएर सेवानिवृत्त भएका थिए । स्व.पुनको विहीवार विहान मणिपाल नजिक तुलसीघाटमा अन्तिम संस्कार गरिने परिवारजनले जानकारी दिएका छन् ।
यसैविच हिमाली आवाज साप्ताहिकले सहसम्पादक पुनका पिताको निधन भएकोमा दुःख व्यक्त गर्दै शोकाकुल परिवारजनमा समवेदना व्यक्त गरेको छ ।
