काठमाडौँ, २२ असार २०८३।
अपराधिक लाभ मुद्दामा थुनामुक्त भएका विराटनगरका अभिषेक गिरीलाई केन्द्रीय अनुसन्धान ब्यूरोले पुनः पक्राउ गर्दै काठमाडौं लगेको छ । गिरीलाई सोमबार राति विराटनगर विमानस्थलबाट काठमाडौं लगिएको हो ।
जिल्ला कारागार मोरङका कैदीबन्दीको आर्थिक हिनामिना गरेको आरोपमा पक्राउ परेका गिरीलाई सोमबार मोरङ जिल्ला अदालतले थुनामुक्त गरेर अनुसन्धान प्रक्रिया अघि बढाउन आदेश दिएको थियो । उनलाई अदालतले आदेश दिएसंगै प्रहरीले भ्यानमा राखेर विमानस्थल लगेको थियो।
