पोखरा , १८ बैशाख २०८३।`
पाल्पामा ९२ वर्षीय बृद्धलाई प्रहरीले पक्राउ गरेको छ।
हातहतियार सम्बन्धि मुद्दामा चार महिना कैद भुक्तान गर्न बाँकी रहेका रामपुर नगरपालिका-३ का ९२ वर्षीय मेकबहादुर सेनलाई प्रहरीले बिहिबार दिउँसो साढे ३ बजे पक्राउ गरेको हो।
जिल्ला प्रहरी कार्यालय पाल्पाका सूचना अधिकारी प्रहरी नायब निरीक्षक होमप्रकाश चौधरीले दिएको जानकारी अनुसार , उनले २०८१ साउन २७ गते जिल्ला अदालत पाल्पाले हातहतियार मुद्दामा चार महिना कैदको फैसला गरेको थियो र त्यस यता उनी फरार थिए।
पक्राउ परेका सेनलाई बाँकी कैद भुक्तानका लागि जिल्ला अदालत पाल्पामा पेश गरिएको प्रहरीले जनाएको छ।
