काठमाडौँ, ३ बैशाख २०८३ ।
काठमाडौँ — अमेरिका र इरानबीच वार्ता पुनः सुरु हुन सक्ने संकेत देखिएका छन्। पछिल्लो कूटनीतिक गतिविधिले संवादको सम्भावना पुनर्जीवित भएको विश्लेषण गरिएको छ।
यसैबीच पाकिस्तानका सेना प्रमुख फिल्ड मार्सल असिम मुनिर र गृहमन्त्री मोहसिन नक्वी नेतृत्वको टोली बुधबार इरानको राजधानी तेहरान पुगेको छ। उक्त भ्रमणलाई दुई देशबीच मध्यस्थता गर्ने प्रयासका रूपमा हेरिएको छ।
यसअघि Donald Trump ले पनि अमेरिका–इरानबीच वार्ता पुनः सुरु हुन सक्ने संकेत दिएका थिए।
गत हप्ता पाकिस्तानमा अमेरिका र इरानबीच करिब २१ घण्टा लामो वार्ता भए पनि ठोस सहमति हुन सकेको थिएन।
ताजा कूटनीतिक गतिविधिले भने आगामी दिनमा पुनः संवादको वातावरण बन्न सक्ने सम्भावना बढाएको छ।
