पोखरा,३० भदौ २०८१।
पोखरा महानगरपालिका वडा नम्बर ५ स्थित शान्ति निकेतन विद्यालयमा समाचार वाचन प्रतियोगिता सम्पन्न भएको छ।
कक्षा ६, ७ र ८ को पहिलो समूह र कक्षा ८ र ९ का दोश्रो समूह गरी कुल ४१ जना सहभागिता रहेको थियो।
उक्त प्रतियोगिताको समूह १ तर्फ कक्षा ८ ‘ए’का दिलिप देवकोटा प्रथम , कक्षा ७ ‘ए’ कि निमिषा आचार्य दोश्रो र कक्षा ७ ‘ए’ का लेखनाथ काफ्ले तेश्रो भए।
समूह २ तर्फ भने कक्षा ९ कि नमुना भुर्त्याल प्रथम , कक्षा ९ कि प्रश्ना पौडेल दोश्रो र कक्षा ९ कि लक्ष्मी न्युरे तेश्रो भएको बिद्यालय प्रशासनले जानकारी दिएको छ।
विद्यालयका उपप्रधानाध्यापक यदुबिलास भुर्त्यालको प्रमुख आतिथ्यतामा भएको उक्त प्रतियोगितामा निर्णायकको रुपमा पब्लिक 4K टेलिभिजनका समाचार वाचक सैलताज कुँवर र सिटी वन टेलिभिजन समाचार वाचक कृष्ण अधिकारी रहेका थिए।
यस प्रतियोगिताले शान्ति निकेतन विद्यालयका छात्र-छात्राहरुको विशेष प्रतिभा र समाचार वाचनप्रति समर्पणलाई उजागर गर्ने बिद्यालयका उपप्रधानाध्यापक भुर्त्याल बिश्वास गरेका छन्।
