पोखरा, ३ भदौ २०८१ ।
सुनसरीमा एक जना मजदुरको बिभत्स तरीकाले हत्या गरिएको छ। जिल्लाको गढी गाउँपालिका-६ का ४६ वर्षीय ज्ञानचन्द्र ऋषिदेवको हत्या भएको हो ।
सिमेन्ट, बालुवाको रिङ बनाउने काम गर्दै आएका ऋषिदेवको गढी गाउँपालिका–२ मा हत्या गरिएको प्रहरीले जानकारी दिएको छ।
उनको शव थलाहा टोलमा टाउको अलग भएको अवस्थामा फेला परेको प्रहरीको भनाइ छ । उनको हत्यामा संलग्न रहेको आशंकामा शंकश्पद तीन जनालाई पक्राउ गरिएको जिल्ला प्रहरी कार्यालय सुनसरीका डिएसपी नवीनकृष्ण भण्डारीले जानकारी दिए ।
हत्याबारे अनुसन्धान भइरहेको प्रहरीले जनाएको छ ।
