पोखरा, २२ साउन २०८१।
गुल्मीमा पहिरोले बगाउदा चार जनाको मृत्यु भएको छ। जिल्लाको मुसिकोट नगरपालिका वडा नम्बर १ बिसौनाका बिष्णु विक र हुकुम वि.कको घर पहिरोले बगाउँदा चार जनाको मृत्यु भएकाे हो भने दुई जना घाईते भएका छन ।
पहिरोमा पुरिएर ४८ वर्षका गोरे विक, ६७ वर्षका हुकुम विक, साढे दुई वर्षकी रियन्सा विक र ६६ वर्षकी मसुरी विकको मृत्यु भएको प्रहरीले जनाएको छ ।
पहिरोमा पुरिएका मुना विक र बिष्णु विकलाई स्थानीयले उद्धार गरेर उपचारका लागि स्वास्थ्य चौकीमा पठाएका छन् ।
मंगलबार बिहान घर माथिबाट खसेको लेदो सहितको पहिरोले बिष्णु विक र हुकुम विकको घर पुरिएको थियो । रातिदेखि गुल्मीमा वर्षात् भइरहेको छ ।
