पोखरा, १७ जेठ २०८१/
पर्यटकीय नगरी पोखराको गहना फेवातालमा आएको हावाहुरीकाकारण डुंगा दुर्घटनामा परेकी एक अस्ट्रियन युवतीको सकुशल उद्धार गरिएको छ।
बिहीबार अपरान्ह साढे ४ बजेतिर हावाहुरीको कारण पोखरा महानगरपालिका १८ रातमाटेस्थित फेवा तालमा डुङ्गा चलाउँदै गरेकी अष्ट्रियाकी नागरिक २७ वर्षकी लाउराले चलाएको काठको डुङ्गा दुर्घटनामा परेको थियो ।
डुङ्गा दुर्घटनामा परेको सुचना पाउना साथ् वडा प्रहरी कार्यालय बैदाम र सशस्त्र प्रहरी बल नेपाल नं २४ गण हेडक्वार्टर कालिका मालेपाटनबाट खटिएको उद्दार टोलीले २५ मिनेटपछि उद्धार गरेको जिल्ला प्रहरी कार्यालय कास्कीले जानकारी दिएको छ । अहिले उनको अवस्था सामन्य रहेको प्रहरीले जानकारी दिएको छ।
