पोखरा, ९ जेठ २०८१/
नागरिकता प्रकरणमा छानविनका लागि पक्राउ काठमाण्डौबाट गिरफ्तार गरिएका कान्तिपुर मिडिया ग्रुपका अध्यक्ष कैलाश सिरोहियालाई रातारात धनुषा पुर्याइएको छ। हाल जिल्ला प्रहरी कार्यालय धनुषाको हिरासतमा राखिएको भनिएका सिरोहियालाई आजै जिल्ला अदालत धनुषामा पेश गर्ने तयारी भैरहेको प्रहरीले जानकारी दिएको छ।
सिरोहियाले फरक फरक नागरिकता विवरण विभिन्न निकायमा पेश गरेको दावी गर्दै उनीमाथि छानविन गर्न जिल्ला प्रशासन कार्यालय धनुषामा उजुरी परेको थियो । धनुषा जिल्ला अदालतबाट पक्राउ पूर्जी जारी भएपछि उनलाई पक्राउ गरिएको हो ।