सिराहाको गोलबजार नगरपालिका- ११ बलकावाका वडाअध्यक्ष रामदेव यादवको निधन भएको छ । वडाअध्यक्ष यादवको शुक्रबार बिहान उपचारको क्रममा विराटनगरस्थित नोवेल अस्पतालमा मृत्यु भएको हो ।
मुटुरोगबाट पीडित यादव दुई दिनअघि गाउँकै बजारमा बेहोस भएका थिए । उनलाई थप उपचारको लागि धरान पुर्याइएको गोलबजार नगरपालिकाका कार्यपालिका सदस्य गंगा कुमारीले जानकारी दिए ।
उनले गत माघमा काठमाडौंबाट उपचार गरेर घर फर्किएका थिए। उनको तीन छोरी र श्रीमती छन् । उनी नेकपा एमालेबाट वडाअध्यक्षमा विजयी भएका थिए ।
