पोखरा,२९ भदौ २०८१।
झापाको बिर्तामोड–५ सुकुम्बासी टोलमा दिदी भिनाजुको कोठामा बस्दै आएकी एक महिलाले शुक्रबार राति झुन्डिएर आत्महत्या गरेकी छन् ।
छवि विकको घरमा कोठा भाडामा बस्दै आएकी विमला दर्नालकी बहिनी २५ वर्षीया कोपिला दर्नाल लिम्बूले राति ८ः४५बजे झुन्डिएर आत्महत्या गरेकी हुन् । उनले कोठाको सिलिङमा रहेको फलामको रडमा कपडाको पासो लगाएर आत्महत्या गरेको प्रहरीले जनाएको छ ।
उनी विगत तीन महिनादेखि दिदी भिनाजुसँग बस्दै आएकी थिइन् । दिदी भिनाजुबीच झगडा परेपछि उनले झुन्डिएर आत्महत्या गरेको बताइएको छ । कोपिलाका श्रीमान कारागारमा रहेका छन् ।
