पोखरा, १८ साउन २०८१।
झापामा गएराती पिकअपले मोटरसाइकललाई ठक्कर दिँदा मोटरसाइकलमा सवार दुई जनाको मृत्यु भएको छ ।
बिहीबार राति ७ः१५ बजे हल्दिबारी गाउँपालिका– सोडागान्धि चोकस्थित हुलाकी मार्गमा मे १ ज ३२६१ नं. को पिकअप गाडीले मे ९ प ९६८५ नम्वरको मोटरसाइकललाई ठक्कर दिंदा मोटरसाइकलमा सवार दुई जनाकै मृत्यु भएको हो ।
उक्त दुर्घटनापश्चात घाइते अवस्थामा उद्धार गरेर उपचारार्थ बिएण्डसी अस्पताल बिर्तामोड पठाइएकोमा उपचारको क्रममा राति ८ बजे चिकित्सकले दुवैलाई मृत घोषणा गरेको जिल्ला प्रहरी कार्यालय झापाले जानकारी दिएको छ। तर मृतक दुबैको हालसम्म पहिचान नखुलेको पनि प्रहरीले बताएको छ।
पिकअप र पिकअप चालक भद्रपुर नगरपालिका–२ का ३७ को दिपेन राइलाई जिल्ला प्रहरी कार्यालय झापाले नियन्त्रणमा लिएको छ ।
