स्याङ्जाको पुतलीबजार नगरपालिकामा सोमबार ट्याक्टर दुर्घटना हुँदा चालकको मृत्यु भएको छ। तोप्सेबाट लामागेका लागि छुटेको ग १ त ४९८७ नं. को ट्याक्टर पुतलीबजार १४ भिरबारीस्थित भित्री सडक खण्डमा दुर्घटना हुँदा ट्याक्टर चालक दाङको दंगीशरण गााउपालिका वडा नं. ४ का २८ वर्षीय रामहरि चौधरीको मृत्यु भएको जिल्ला प्रहरी कार्यालय स्याङ्जाले जनाएको छ ।
ट्याक्टर पल्टिए पछि सोही ट्याक्टरले चालक चौधरीलाई च्याप्दा उनको घटनास्थलमै मृत्यु भएको प्रहरी नायब उपरिक्षक इन्द्रबहादुर रानाले जानकारी दिए । घटनाको थप अनुसन्धान कार्य अगाडि बढाएको रानाले बताए ।
