कटुवा पेस्तोल बोकेर सुसुराली आएका एक व्यक्ति सुनसरीबाट पक्राउ परेका छन्।
ससुराली आएका सप्तरी कन्चनरुप नगरपालिकाका–१ का जमाल भन्ने तालिम मन्सुरीलाई जिल्ला प्रहरी कार्यालय सुनसरीले कटुवा पेस्तोलसहित पक्राउ गरेको हो । उनलाई प्रहरीले सुनसरीको कोसी गाउँपालिका–४ जुद्धगन्जस्थित ससुराली घरबाट पक्राउ गरेको बताइएको छ।
मन्सुरीको साथबाट एकथान कटुवा पेस्तोल र दुई थान गोली बरामद भएको प्रहरीले जानकारी दिएको छ। मन्सुरी अवैध हातहतियारको कारोवारमा संलग्न व्यक्ति भएको बताइएको छ । मन्सुरीले भारतको विहारबाट हतियार खरिद गरी नेपाल भित्राउने गरेको प्रहरी श्रोतले जनाएको छ ।
मन्सुरीविरुद्ध हातहतियार खरखजना अन्तरगत मुद्दा दर्ता गरी आवश्यक अनुसन्धान भैरहेको प्रहरीले जनाएको छ।
