पोखरा , १२ बैशाख २०८३।
अतिक्रमित संरचना भत्काउन काठमाडौं उपत्यकाको मनोहरा नदी किनार क्षेत्रमा पुगेको डोजरमाथि ढुंगामुढा भए पछि आजको काम स्थगित भएको छ ।
सो क्रममा संरचना भत्काउन पुगेको डोजरमाथि एक समूहमा आएका युवाहरू ढुंगामुढा गरेको प्रहरी स्रोतले बतायो । उक्त ढुंगामुढाका क्रममा सशस्त्र प्रहरी र नेपाल प्रहरीका कम्तीमा १२ जना सुरक्षाकर्मी घाइते भएका छन् । उनीहरूको अवस्था सामान्य रहेको प्रहरीले जनाएको छ ।
चारैतिरबाट ढुंगामुडा प्रहार भएपछि सशस्त्र प्रहरी बल (एपीएफ) टोलीले आजका लागि अभियान स्थगित गरेको जनाएको छ । त्यसपछि टोली विस्तारै पछाडि हट्दै छ ।
