सुनसरीको धरानमा गाई काटेकोबिरुद्ध बृहत प्रदर्शन भैरहदा तनहुँबाट गाइ काटेको आरोपमा तीन जना पक्राउ परेका छन्। तनहुँको शुक्लागण्डकी नगरपालिका–६ कमलबोटमा गाई काटेको अभियोगमा आज तीन जना पक्राउ परेका हुन् ।
पक्राउ पर्नेमा सोही ठाउँका श्रीमन् नेपाली, रमेश नेपाली र दीपक नेपाली रहेको वडाध्यक्ष बुद्धिबहादुर थापाले जानकारी दिए । मादक पदार्थ सेवन गरी गाई काटेर भागबण्डा गर्दै गरेको अवस्थामा उनीहरुलाई पक्राउ गरिएको हो ।
पक्राउ परेकालाई प्रहरी, जनप्रतिनिधि, पशु कार्यालय लगायतको रोहबरमा नियन्त्रणमा लिई इलाका प्रहरी कार्यालय बेलचौतारा ल्याउँदै गरेको थापाले जानकारी दिए । प्रहरीले घटनाबारे अनुसन्धान गरिने बताएको छ ।
