पोखराका एक युवा स्याङजामा लागू औषधसहित पक्राउ पक्राउ परेका छन्। पोखरा महानगरपालिका वडा नं. १४ काजीपोखरी बस्ने बर्ष २२ को सुमन गुरूङ लागू औषधसहित स्याङजामा पक्राउ परेका हुन्।
बुटवलबाट ना. ४ ख. ४७५१ नं. को बसमा पोखरा आउदै गरेका गुरुङलाई आइतबार अस्थायी प्रहरी पोष्ट राम्दीबाट खटिएको प्रहरी टोलीले पक्राउ गरेको प्रहरीले जानकारी दिएको छ। स्याङजा गल्याङ नगरपालिका वडा नं. १ राम्दी स्थित सिद्धार्थ राजमार्गमा सवारी साधनहरू चेकजांच गर्ने क्रममा ना. ४ ख. ४७५१ नं. को बसमा सवार गुरुङको साथबाट लागू औषध बरामद भएको प्राप्त समाचारमा जनाइएको छ।
अभियुक्त गुरूङको साथबाट फेनारगन ४० एम्पुल , नुर्फिन ४० एम्पुल र डाईजेपाम ४० एम्पुल गरी जम्मा एकसय २० एम्पुलसहित बरामद गरी थप अनुसन्धान कार्य भई रहेको प्रहरीले जनाएको छ।
