अछाममा चट्याङ लागेर नौवटा बाख्रा मरेका छन् भने बाख्रा गोठाली घाइते भएकी छन्। जिल्लाको मेल्लेख गाउँपालिका वडा नम्बर ६ षोडशाको बाइगाउँमा चट्याङ लागेर बाख्रा चराउन गएकि बालिका घाइते भएकी हुन भने ९ वटा बाख्रा मरेका छन्।
शनिवार साँझ चट्याङका कारण स्थानीय विष्णु भट्टराई लगायतका कृषकका ९ वटा बाख्रा मरेका बताइएको छ। स्थानीय मनीराज भट्टराईका अनुसार चट्याङका कारण जङ्गलमा चराउन लगिएका बाख्रा मरेका हुन भने बालिका सामान्य घाइते भएकी हुन्। घटनाबारे थप विवरण आउन बाँकी छ।
