पोखराको चाउथेमा रहेको पाल्पा भैरव फर्निचरमा आगलागी हुँदा दुई जना घाइते भएका छन् भने करोडौँको क्षति भएको छ ।
बुधबार राति भएको आगलागीबाट फर्निचरमा ठूलो क्षति पुगेको छ । जस्ताको टहरा मुनि सञ्चालन गरिएको फर्निचरमा आगलागीबाट फर्निचर, प्लाइउडका सामान र मेसिनरी सामानसमेत नष्ट भएको छ ।
आगलागीबाट करिब ३ करोडको क्षति भएको अनुमान गरिएको छ । आगलागी कसरी शुरु भयो भन्ने भने खुलेको छैन ।
