पोखरा,२९ कार्तिक २०८१।
भक्तपुरमा बुधबार साँझ एक वृद्धाको हत्या भएको छ। भक्तपुर नगरपालिका-३ स्थित नासमनामा ९४ वर्षीया विष्णुकुमारी त्वायनाको हत्या भएको हो ।
उनलाई आफ्नै घरमा खुट्टा डोरीले बाँधेर मुखमा कपडा कोचेर हत्या भएको अवस्थामा प्रहरीले बुधबार राति फेला पारेको प्रहरीले जानकारी दिएको छ ।
बिहान तरकारी किनेर घर गएकी विष्णुकुमारी दिनभरि पनि घरबाहिर ननिस्केपछि साँझ आफन्तले घरमा हेर्न जाँदा मृत अवस्थामा फेला पारेपछि प्रहरीलााई खबर गरेका थिए।
वृद्धा महिला घरमा एक्लै भएको मौका छोपेर चोरी गर्ने उद्देश्यले हत्या भएको हुन सक्ने स्थानीयको अनुमान छ । यद्यपि, प्रहरीले हत्या सम्बन्धी अनुसन्धान अघि बढाएको जनाएको छ । महानगरीय प्रहरी परिसर भक्तपुरका प्रमुख एसपी माधवप्रसाद घिमिरेका अनुसार घटना के-कसरी भयो भन्ने विषयमा अनुसन्धान भइरहेको छ।
घटनास्थल भक्तपुर दरवार क्षेत्रको ३ सय मिटर उत्तरमा पर्छ। मृतक विष्णुकुमारीको शवलाई पोशमार्टमका लागि दुवाकोटस्थित केएमसी अस्पतालमा राखिएको छ।
