पोखरा, १६ जेठ २०८१/
आफ्ना बुवालाई चिठी लेखेर झापाको गौरादहबाट बेपत्ता भएका दुईजना बालक १६ घण्टापछि भेटिएका छन् ।
गौरादह–१ बेलडाँगीचोकका बेपत्ता भएका भूपेन खड्काका दुई छोरा १४ वर्षीय खगेन्द्र खड्का र देव खड्का मोरङको पथरीस्थित एक घरमा आश्रय लिएर बसेको अवस्थामा भेटिएका हुन् ।
मंगलबार बिहान १० बजेदेखि बेपत्ता भएका उनीहरुलाई गौरादह वडा नम्बर १ का वडा सदस्य जमुन राईको रोहबरमा आज बुधबार बिहान २ बजे बालकहरुलाई परिवारको जिम्मा लगाइएको प्राप्त समाचारमा जनाइएको छ ।
स्थानीय मोती माध्यमिक विद्यालय सीतापुरीमा अध्ययनरत बालकहरुले बुवा, आमा र दिदीलाई ‘हाम्रो चिन्ता नलिनु हामीलाई नखोज्नु, हामी गौरीगञ्जतिर जान्छौँ’ भनेर एउटा चिठी लेखेर सिरानीमुनि राखेर घरैबाट बेपत्ता भएका थिए ।
