पोखरा १५ माघ २०८२।
मन्त्री परिषद बैठकले राष्ट्रपति रामचन्द्र पौडेलको जापान भ्रमण कार्यक्रम स्वीकृत गरेको छ भने नेपाल प्रहरीको रासन रकम वृद्धि गर्ने निर्णय गरेको छ ।
बिहीबार बसेको मन्त्रिपरिषद् बैठकले त्यस्तो निर्णय गरेको सरकारका प्रवक्ता ओमप्रकाश अर्यालले जानकारी दिए ।
मन्त्री परिषदको निर्णय अनुसार , राष्ट्रपति रामचन्द्र पौडेल सहभागी रहने प्रतिनिधिमण्डल आगामी माघ १८ (आइतबार) गते देखि २१ गतेसम्म जापान भ्रमणमा जाने छन् । नेपाल र जापान बीचको कूटनीतिक सम्बन्ध स्थापना भएको ७०औं वर्षगाँठको उपलक्ष्यमा आयोजित कार्यक्रममा सहभागी हुन राष्ट्रपति पौडलले त्यसतर्फ जान लागेका हुन् ।
आजै बसेको सोही बैठकले आगामी फागुन १ गतेदेखि लागू हुनेगरी नेपाल प्रहरीको रासन स्केल र दैनिक रकम वृद्धि गर्ने निर्णय भएको हो । तर, कति रकम वृद्धि गरिएको भन्नेबारे जानकारी उनले गराएका छैनन् ।
