पोखरा १९ मङसीर २०८२।
प्रधानमन्त्री सुशीला कार्कीले आज सर्वपक्षीय बैठक बोलाएकी छन्। आसन्न निर्वाचनको विषयमा छलफल गर्न प्रधानमन्त्री कार्कीले बालुवाटारस्थित प्रधानमन्त्री निवासमा आज अपराह्न चार बजे सर्वपक्षीय बैठक बोलाएकी हुन् ।
बैठकमा सरकार, प्रमुख पाँच राजनीतिक दल, निर्वाचन आयोग र सुरक्षा निकायका प्रमुखहरुको उपस्थित रहने छ ।
प्रधानमन्त्री कार्कीका प्रेस संयोजक रामबहादुर रावलका अनुसार बैठकमा नेपाली कांग्रेस, नेकपा (एमाले), नेपाली कम्युनिष्ट पार्टी, राष्ट्रिय प्रजातन्त्र पार्टी (राप्रपा), राष्ट्रिय स्वतन्त्र पार्टी (रास्वपा), निर्वाचन आयोगका पदाधिकारी र सुरक्षा निकायका प्रमुखहरुलाई आमन्त्रण गरिएको छ ।
राष्ट्रिय सभा निर्वाचन आगामी माघ ११ गते र प्रतिनिधि सभा निर्वाचन आगामी फागुन २१ गते हुँदैछ ।
