आफ्नै भाईको हत्या गरेर भागेका एक युवा उदयपुरबाट पक्राउ परेका छन्।
आफ्नै कान्छो भाइ धर्मराज राईको हत्या गरी भागेका उदयपुरको त्रियुगा नगरपालिका २ हाटखोलाचौकका ४२ वर्षिय युवराज राई त्रियुगा ४ बगाहाबाट पक्राउ परेका हुन् ।
भाइको हत्या गरेपछि दिनभर लुकेर बसेका युवराज राई भोक लागेपछि खानेकुरा खोज्दै बगाहास्थित पसलमा पुगेका बेला पक्राउ गरिएको प्रहरीले जानकारी दिएको छ।
प्रहरीका अनुसार , गएको शुक्रबार राती युवराजले आमा कुटिरहेको देखे पछि भाइ धर्मराज राई छुट्टाउन गएका थिए। त्यसै बीच बिबाद हुँदा युवराजले भाई धर्मराजलाई हत्या गरेर भागेका थिए।
