पोखरा, ६ माघ २०८० /
नेपाल कम्युनिस्ट पार्टी (माओवादी) का दुई कार्यकर्ता मकवापुरबाट पेस्तोलसहित पक्राउ परेका छन् ।
बाजुराका ३१ वर्षीय देवबहादुर थापा र पूर्वी नवलपरासीका ५७ वर्षीय वीरबहादुर थापा मगर हेटौंडाको रातोमाटे चेकपोस्ट नजिकैबाट शुक्रबार पक्राउ परेका हुन् । प्रहरीले थुनामा राखेर उनीहरूमाथि अनुसन्धान गरिरहेको छ ।
यसैबीच नेकपा (माओवादी)ले विज्ञप्ति जारी गर्दै फर्जी हतियार भिराएर आफ्ना कार्यकर्तालाई पक्राउ गरिएको भन्दै आपत्ति जनाएको छ । महासचिव ‘महावीर’को नामा जारी विज्ञप्तिमा दुवै कार्यकर्तालाई अपहरण शैलीमा प्रहरीले गिरफ्तार गरेको उल्लेख छ ।
