धनकुटाको सिधुवामा डाँफे मुनाल यातायातको बस दुर्घटना ज्यान गुमाउनेको संख्या १३ पुगेको छ। सातजनाको घटनास्थलमा र ६ जनाको धरानकाे बीपी अस्पतालमा उपचारको क्रममा मृत्यु भएको हो। दुर्घटनामा घाइते भएका २९ जनाको अस्पतालमा उपचार भइरहेको छ ।
संखुवासभाबाट धरानका लागि प्रस्थान गरेको बा २ ख ७३६६ नम्बरको बस सिधुवा दुर्घटनाग्रस्त भएको जिल्ला
ट्राफिक कार्यालय धनकुटाका प्रमुख सुरेन्द्र खड्काले जानकारी दिए। बस सडकबाट करिब दुई सय फिट तल खसेको छ ।
दुर्घटनामा परी माओवादी केन्द्रका नेता एवम् पूर्वअर्थराज्य मन्त्री हरिराज खेवाको मृत्यु भएको पुष्टि भएको छ । खेवा डा बाबुराम भट्टराई प्रधानमन्त्री र नेता वर्षमान पुन ‘अनन्त’ अर्थमन्त्री हुँदा अर्थ राज्यमन्त्री बनेका थिए । घटनामा खेवासँगै धनुकटाको परेवादिन-४ तारादेबी बस्नेत, उनकी छोरी रेश्मा बस्नेत, धरान-२ का बेदप्रकाश पटवारे, परेवादिन ७ की अतिमाया तामाङ, परेवा ५ की खिनमाया भट्टराई, तारेकटार ३ की वीरबहादुर काफ्लेको मृत्यु भएको छ । ठेगाना नखुलेका होम थापाले पनि घटनामा ज्यान गुमाएका छन् ।
दुर्घटनामा परी दर्जनौँ यात्रु घाइते भएका छन् । घाइतेलाई उपचारका लागि धनकुटा जिल्ला अस्पताल र धरानस्थित बिपी कोइराला स्वास्थ्य विज्ञान प्रतिष्ठान लगिएको छ । उद्धारका लागि सदरमुकाम र सिधुवालगायत क्षेत्रबाट प्रहरी टोली पठाइएको जिल्ला प्रहरी कार्यालय धनकुटाले जनाएको छ ।
