पोखरा, १० जेठ २०८३।
गोरखामा आज साँझ योद्धा गाडी मर्स्याङदी नदीमा खसेर दुर्घटनाग्रस्त हुँदा दुई जना घाइते भएका छन्।
मनकामना जादै गरेको योद्वा गाडी आज साँझ ७ बजे रामशाहघाट दोभान नजिकै मर्स्याङदी नदीमा खसेर दुर्घटनाग्रस्त हुँदा दुई जना गम्भीर घाईते भएका हुन्।
गम्भीर घाईते हुनेहरुमा चालक मकवानपुर जिल्ला राक्शिराङ गाऊँपालिका-३, का २४ बर्षका सूजन घलाङ र बिहार राज्य घर भई आँबुखैरेनी गाऊँपालिका-३, बस्ने बर्ष १८ का अबिन शाह रहेका छन । अबिन शाहको मौलाकालिका अस्पताल चितवनमा र सूजनको आँबुखैरेनी अस्पतालमा उपचार भईरहेको प्रहरी निरीक्षक प्रदीप सूबेदीले जानकारी दिए । दुर्घटना बारे थप अनुसन्धान भैरहेको प्रहरीले बताएको छ ।
