पोखरा , ९ माघ २०८२।
मनाङमा नेकपा एमाले र राष्ट्रिय प्रजातन्त्र पार्टी (राप्रपा) का उम्मेदवारले नाम फिर्ता लिन निवेदन दिएका छन् ।
मनाङका निर्वाचन अधिकृत रामप्रसाद पौडेलका अनुसार, एमालेका उम्मेदवार पोल्देन छोपाङ गुरुङ र राप्रपाबाट कुविरसिंह गुरुङले नाम फिर्ता लिन निवेदन दिएका हुन् । उक्त निबेदन बारे दिउसो एक पछि मात्र निर्णय हुने निर्वाचन अधिकृत पौडेलले जानकारी दिए।
मनाङमा कांग्रेसका टेक बहादुर गुरूङलाई समर्थन गर्दै उनीहरुले उम्मेदवार फिर्ता गर्न लागेका हुन् । मनाङमा पाँच जनाको उम्मेवारी परेको थियो ।
रास्वपाबाट उम्मेदवारको टिकट लिएका व्यक्ति तोकिएको समय भन्दा ढिलो गरी निर्वाचन अधिकृतका कार्यालय पुग्दा उनी उम्मेदवार हुन पाएका थिएनन् ।
