उच्च अदालत पोखराले निर्वाचन सम्पन्न भएको ११ महिनापछि पोखरा महानगरपालिका वडा नम्बर १८ को मतगणना पुनः गर्न आदेश दिएको छ ।
गत बैशाख २० गते भएको चुनाबको मत परिणाममा असन्तुष्टि जनाउदै एमाले उम्मेदवार पुस्कलबहादुर थापाले पोखरा १८ को मतगणना पुनः गर्न माग गर्दै दिएको रिटमा आज उच्च अदालत पोखराले त्यस्तो आदेश दिएको हो।
उक्त मतगणनामा नेपाली कांग्रेसका शिवप्रसाद तिमिल्सिनाले ३ मतले जीतेका थिए । उनले एमालेका पुस्कलबहादुर थापालाई पराजित गरेका हुन् । शिवले एकहजार छ सय ४३ मत ल्याउँदा पुस्कलबहादुर थापाले एक हजार चसय ४० मत ल्याएका थिए ।
३ मतले पराजित भएका थापाले ५ भोट मिसिङ भएको भन्दै पुनः मतगणना हुनुपर्ने भन्दै अदालतमा रिट हालेका थिए ।
