ओलीलाई bye गर्दै नेपाल , nepal ,janasanchar
Spread the love

नेकपा एमालेभित्रका बरिष्ठ नेता माधब कुमार नेपाल समुहका नेताहरुले आफुहरुलाई अन्यायपूर्वक पार्टीबाट निष्काशन गर्न लागेको उजुरी सर्बोच्च अदालतमा दर्ता भएको छ।  उता नेकपा एमालेका अध्यक्ष केपी शर्मा ओली र वरिष्ठ नेता माधवकुमार नेपालबीचको भेटवार्ता विना निष्कर्ष सकिएको छ ।

प्रम ओलीसंग काठमाण्डौको मेरिट होटलमा डेढ घण्टा लामो वार्ता गरेर निस्किएका नेता माधब कुमार नेपालले सञ्चारकर्मीलाई छोटो प्रतिक्रिया दिए।  नेता नेपालले अघि भने, ‘कुराकानीमा कुनै प्रगति छैन ।’

प्रम ओलीका पक्षबाट आज भएको वार्ताका बारेमा अहिलेसम्म कुनै जानकारी सार्वजनिक भएको छैन।

यसैबीच नेकपा एमालेका नेता माधवकुमार नेपालपक्षका नेताले अध्यक्ष केपी शर्मा ओलीले सांसद पद नरहने गरी कारबाही रोक्न माग गर्दै दिएको रिट सर्वोच्च अदालतमा दर्ता भएको छ ।

नेता नेपाल, भीम रावल, सुरेन्द्र पाण्डे र घनश्याम भुसालद्वारा दायर उक्त रिटमा आइतबारका लागि पेशी तोकिएको सर्वोच्च अदालत स्रोतले जानकारी दिएको छ ।

रिटमा अध्यक्ष ओलीले सर्वोच्च अदालतको २३ फागुनको फैसलाविपरीत पार्टीलाई एकलौटी र अनधिकृत कब्जा गरी आफूहरुको राजनीतिक जीवन नै समाप्त पार्ने दूराशयपूर्ण मनोभावना राखी संसद सदस्यबाट निस्कासन गर्न खोजेको उल्लेख छ ।

फागुन२८ ,  चैत ७  र  वैशाख ६ गते गरेको भनिएको निर्णय, त्यसआधारमा गरिएको र गर्न लागिएको कारबाही, विधान संशोधन लगायतका कारबाही गैरकानूनी र दूराशयपूर्ण भएको दाबी गर्दै त्यसलाई बदर गर्न र सर्वोच्चको फैसला बमोजिम एमाले पार्टी, त्यसको विधान र नवौं राष्ट्रिय महाधिवेशनबाट निर्वाचित केन्द्रीय कमिटीलाई कामकाज गर्न दिन रिटमा परमादेश माग गरिएको छ ।

गैरकानूनी र अनधिकृत निर्णयको आधारमा २७ जना प्रतिनिधिसभा सदस्यहरुलाई स्पष्टीकरण सोधिएको भन्दै नेपाल समूहका नेताहरुले रिटमा भनेका छन्, ‘पार्टी अध्यक्षले कुनै पनि बखत राजनीतिक दलसम्बन्धी ऐन, २०७३ बमोजिम दल त्याग गरेको भनी कारबाही गर्न सक्ने पूर्ण आशंका भएकाले त्यस्तो कार्य प्रतिषेधको आदेशद्वारा तत्काल रोक्नु भन्ने आदेश समेत जारी गरिपाउँ ।’

अन्तिम पटक अध्यावधिक गरिएको 192 Viewed

प्रतिक्रिया दिनुहोस्